როდის ჩაგჭრიან მოედანზე
გამოცდას იწყებ 100 ქულით და ყოველ შეცდომაზე იქვითება საჯარიმო ქულა. გამოცდა ჩაბარებულია, თუ 39-ზე მეტ საჯარიმო ქულას არ დააგროვებ (ანუ დაასრულებ მინიმუმ 61 ქულით) და არ მოხდება დისკვალიფიკაცია.
ქვემოთ ჩამოთვლილ შემთხვევებში გამოცდა მაშინვე წყდება და ჩაუბარებლად ითვლება, დაგროვებული ქულების მიუხედავად:
- 1დააგროვე 39-ზე მეტი საჯარიმო ქულა;
- 2შექმენი საავარიო სიტუაცია, ვერ გააჩერე ავტომობილი დროულად ან დაკარგე მართვაზე კონტროლი და გამომცდელი იძულებული გახდა ჩარეულიყო ან შეეწყვიტა გამოცდა;
- 3საგამოცდო ელემენტი ვერ დაასრულე დადგენილი წესით;
- 4ელემენტის შეუსრულებლობით ან გაჭიანურებით შეაფერხე გამოცდა ან ხელი შეუშალე სხვა კანდიდატებს;
- 5დაარღვიე ელემენტების თანმიმდევრობა, გამოტოვე რომელიმე ელემენტი ან არ დაემორჩილე გამომცდელის კანონიერ მოთხოვნას;
- 6„ჩიხში“ ავტომობილი მთლიანად შემოსაზღვრულ უბანში ვერ შემოაბრუნე, ან ელემენტი საწყისი მხარის პარალელური მარცხენა მხრიდან, უბნიდან სრულად გამოსვლით ვერ დაასრულე;
- 7„აღმართზე“ „სდექ“ ხაზს შეჩერების გარეშე 1 მეტრზე მეტით გასცდი;
- 8„აღმართზე“ ავტომობილი 20 სმ-ზე მეტად დაგორდა და ხელის მუხრუჭი დაუყოვნებლივ არ ამოწიე;
- 9ძიგ-ძიგით (არამდორედ) მოძრაობა მესამედ დაფიქსირდა;
- 10მთელი გამოცდის განმავლობაში გამოავლინე მართვის უნარ-ჩვევების დაბალი დონე.
წყარო: მართვის უფლების მისაღები გამოცდის ჩატარების წესი, მუხლები 34 და 39 (matsne.gov.ge)
ა) „პარალელური პარკირება“
საგამოცდო ელემენტის შესრულებისას სავალდებულოა დაცულ იქნეს შემდეგი მოთხოვნები:
- ა.ა)პარკირებაში შესვლისას ავტომობილმა არ უნდა გადაკვეთოს გარეთ, წინ და მარჯვნივ არსებული ხაზები და სადგარები;(10 ქულა)
- ა.ბ)პარკირებიდან გამოსვლისას ავტომობილმა არ გადაკვეთოს და შეეჯახოს მონიშვნებს და სადგარებს;(15 ქულა)
- ა.გ)„პარალელური პარკირების“ უბანში გაჩერების შემდეგ ავტომობილი ისე უნდა იდგეს, რომ მთლიანად მოექცეს შემოსაზღვრული უბნის შიდა არეალში;(20 ქულა)
- ა.დ)პარკირების დასრულების შემდგომ მის გამოსვლამდე სავალდებულოა ავტომობილის ხელის მუხრუჭის გამოყენება;(15 ქულა)
ბ) „ზიგზაგი“
საგამოცდო ელემენტის შესრულებისას სავალდებულოა დაცულ იქნეს შემდეგი მოთხოვნები:
- ბ.ა)საგამოცდო ელემენტის შესრულება უნდა დაიწყოს შუაში არსებული პირველი მონიშვნის (სადგარის) მარცხენა მხრიდან შემოვლით;(15 ქულა)
- ბ.ბ)საგამოცდო ელემენტის შესრულებისას ავტომობილმა უნდა იმოძრაოს ზიგზაგურად, შუაში არსებულ მონიშვნებს (სადგრებს) შორის;(15 ქულა)
- ბ.გ)„ზიგზაგში“ მოძრაობა უნდა განხორციელდეს ელემენტის საზღვრების (მონიშვნების) ფარგლების გადაკვეთის ან/და მათთან შეჯახების გარეშე;(15 ქულა)
- ბ.დ)საგამოცდო ელემენტის დაწყებიდან მის დასრულებამდე არ უნდა შეწყდეს (გაჩერდეს) დასახული მიმართულებით ავტომობილის მოძრაობა;(10 ქულა / 15 ქულა ჩაქრობა)
- ბ.ე)საგამოცდო ელემენტის შესრულებისას აკრძალულია უკუსვლით მოძრაობა;(10 ქულა)
გ) ჩიხი („მოძრაობის მიმართულების შეცვლა“)
საგამოცდო ელემენტის შესრულებისას სავალდებულოა დაცულ იქნეს შემდეგი მოთხოვნები:
- გ.ა)ელემენტის შესრულება უნდა დაიწყოს წინა მარჯვენა მხრიდან;(15 ქულა)
- გ.ბ)წინ მიმართულებით მოძრაობა უნდა განხორციელდეს სიჩქარის გადაცემათა ერთჯერადი გადართვით;(15 ქულა)
- გ.გ)უკან მიმართულებით მოძრაობა უნდა განხორციელდეს სიჩქარის გადაცემათა ერთჯერადი გადართვით;(15 ქულა)
- გ.დ)ელემენტი უნდა შესრულდეს შეზღუდვის (მონიშვნის) ფარგლების გადაკვეთის ან/და მათთან შეჯახების გარეშე;(20 ქულა)
- გ.ე)ელემენტში შემობრუნება უნდა განხორციელდეს ისე, რომ ავტომობილის გარეთა კონტურები მთლიანად მოექცეს შემოსაზღვრული უბნის შიგნით;(დისკვალიფიკაცია)
- გ.ვ)ელემენტის შესრულება უნდა დასრულდეს საწყისი მხარის პარალელური მარცხენა მხრიდან, შემოსაზღვრული უბნიდან ავტომობილის სრულად გამოსვლით;(დისკვალიფიკაცია)
დ) „გარაჟი“ (უკუსვლით პარკირება)
საგამოცდო ელემენტის შესრულებისას სავალდებულოა დაცულ იქნეს შემდეგი მოთხოვნები:
- დ.ა)უკუსვლით გადაცემის სიჩქარეში გადართვის შემდგომ, ავტომობილი არ უნდა დაგორდეს საპირისპიროდ 30-სმზე მეტ მანძილზე;(10 ქულა)
- დ.ბ)გარაჟში ავტომობილის უკუსვლით შესვლა უნდა განხორციელდეს უკუსვლით გადაცემის ერთჯერადი ჩართვით;(15 ქულა)
- დ.გ)გარაჟში გაჩერების შემდეგ ავტომობილი ისე უნდა იდგეს, რომ მთლიანად მოექცეს შიდა არეალში. გარაჟიდან გამოსვლა უნდა განახორციელდეს მხოლოდ მას შემდეგ, რაც იგი მთლიანად მოექცევა გარაჟის არეალში;(15 ქულა)
- დ.დ)გარაჟში ხაზის გადაკვეთა;(20 ქულა)
ე) „რვიანი“
საგამოცდო ელემენტის შესრულებისას სავალდებულოა დაცულ იქნეს შემდეგი მოთხოვნები:
- ე.ა)მოძრაობას ვიწყებთ მარჯვენა მხრიდან;(15 ქულა)
- ე.ბ)არასწორი მხრიდან გამოსვლა / მოკლე წრე;(15 ქულა)
- ე.გ)გაჩერება;(5 ქულა / 15 ქულა ჩაქრობა)
- ე.დ)ხაზის გადაკვეთა, გარე ჯიხურზე შეჯახება;(15 ქულა)
- ე.ე)რვიანში უკუსვლა;(15 ქულა)
ვ) „აღმართიანი უბანი“ („აღმართი“)
საგამოცდო ელემენტის შესრულებისას სავალდებულოა დაცულ იქნეს შემდეგი მოთხოვნები:
- ვ.ა)ავტომობილი უნდა გაჩერდეს აღმართზე „სდექ“ ხაზთან (მაგრამ არანაკლებ ხაზამდე ერთი მეტრისა);(20 ქულა თუ გადაკვეთა არაუმეტეს 1 მეტრისა)
- ვ.ბ)„სდექ“ ხაზიდან დაძვრისას, ავტომობილი არ უნდა დაგორდეს უკან 20 სმ-ზე მეტ მანძილზე;(10 ქულა)
ზოგადი მოთხოვნები გამოცდის მსვლელობისას
- ა)მძღოლობის კანდიდატს გამოცდის დაწყებიდან მის დასრულებამდე არ უნდა გამოერთოს ავტომობილის ძრავი;(15 ქულა)
- ბ)მძღოლობის კანდიდატს გამოცდის დაწყებიდან მის დასრულებამდე შეკრული უნდა ჰქონდეს უსაფრთხოების ღვედი;(5 ქულა)
- გ)ავტომობილმა არ უნდა იმოძრაოს აწეული ხელის მუხრუჭით;(ყოველ 4 მეტრზე 15 ქულა)
- დ)გამოცდის მსვლელობისას, მძღოლობის კანდიდატს არ უნდა დაუგორდეს ავტომობილი;(10 ქულა)
- ე)გამოცდის მსვლელობისას ელემენტების პარალელური პარკირებისა და აღმართზე მოძრაობის გარდა, არ უნდა იქნეს გამოყენებული ხელის მუხრუჭი;(15 ქულა)
- ვ)მძღოლობის კანდიდატმა უნდა შეასრულოს გამოცდით განსაზღვრული ყველა საგამოცდო ელემენტი;
- ზ)საგამოცდო მოედანზე შუქნიშნის არსებობის შემთხვევაში, მძღოლობის კანდიდატი უნდა დაემორჩილოს მის მოთხოვნებს;(20 ქულა)
- თ)მთელი გამოცდის მსვლელობისას ავტომობილმა უნდა იმოძრაოს მდორედ (ძიგ-ძიგის გარეშე).
შენიშვნა: საგამოცდო ელემენტები უნდა შესრულდეს თანმიმდევრულად, ავტომობილში დამონტაჟებული ელექტრონული სისტემის ხმოვანი სიგნალის ან გამომცდელის მითითების შესაბამისად, ამასთან გამომცდელის მითითების შემთხვევაში უპირატესობა ენიჭება გამომცდელის მითითებას.
